Депутаты
ҚТҚ полигондары бойынша кеңесу
13-04-2018 18:37
ҚТҚ полигондары бойынша кеңесу

Облыстық мәслихаттың хатшысы Б. Бексейітованың бастамашылығымен Павлодар ауданында аудан әкімінің, облыстық және аудандық мәслихаттар депутаттарының, облыстық құрылымдар,табиғатты қорғау бағытындағы бірқатар мекемелер басшыларының, ауылдар мен ауылдық округтер әкімдерінің, БАҚ өкілдерінің қатысуымен кеңесу өткізілді. Мәселенің негізгі тақырыбы – қатты тұрмыстық қалдықтарды (ҚТҚ) кәдеге жарату. Жұмыс тобының сапары орындарда жағдайды бағалау, ҚТҚ - ды кәдеге жарату бойынша жұмыстың оң тәжірибесін анықтау, қабылданып жатқан шараларды заңнамалық деңгейде түсіндіру үшін ұйымдастырылды.

Кеңесуге қатысып отырған экология департаменті басшысының орынбасары Ж.Ғ. Кәрімов өз сөз сөйлеуінде экологиялық заңнамаға сәйкес 2019 жылдың 1 қаңтарынан бастап ҚТҚ полигогдарында пластмасса, пластик, полиэтилен қалдықтарын және полиэтилентерефталат орамасын; макулатура, картон және қағаз қалдықтарын; шыны сынықтарын; құрылыс материалдарының қалдықтарын; тамақ қалдықтарын кәдеге жаратуды тыйым салу әрекетке енгізілетінін атап өтті. Сондықтан дәл қазір ауылдық округтерде және ауылдарда қоқысты бөлек жинау және оны одан әрі қайта өңдеу бойынша жұмысты бастау қажет.  

Қоқыстарды бөлек жинау мәселесін талқылау барысында Б.М. Бексейітова ауылдық округтердің әкімдеріне «бюджеттен қашан ақша бөледі деп күткенше, тұрғындар арасында кеңінен түсіндіру жұмыстарын жүргізу, мектептерде балаларды қоқыс тастамауға, оны жеке жинауға үйрету (акциялар өткізу – балалар арасында жақсы өтеді) қажет, ал үйінділерді алдымен қоршауға болады және қоқыстарды жеке жинауды бастау, ірі ауылдарда жарық жіберіп, жазғы уақытта күзетші қою қажет», - деп кеңес берді.

Сондай-ақ,  шағын ауылдарда қоқыстың негізгі үлесі – көң болып табылады, оларды сұрыптау және кәдеге жарату сияқты өзекті мәселелер айтылды. Облыстық мәслихаттың экология және қоршаған ортаны қорғау мәселелері жөніндегі тұрақты комиссиясының төрағасы Н.Қ. Қасымовпен қала жақын орналасқандықтан, Павлодар ауданында қалдықтарды өңдеу зауытын салу қажеттілігі жоқ деген ұсынысы айтылды.«Сіздің нұсқаңыз – сұрыпталған қалдықтарды қайта өңдеуге одан әрі тасымалдау үшін уақытша сақтауды ұйымдастыру», - деп айтты Н. Қасымов.

Кеңесуге Экологиялық технологиялар жөніндегі құзырет орталығының директоры А.Ж. Өмірбек қатысты, ол ауылдық қоқыс тастайтын жерлерде барлық қоқыстардың, соның ішінде қауіпті қоқыстың жиналатынан атап айтты. Соның салдарынан «үйінді» газ (метан) қалыптасады, ол белгілі бір жағдайларда жануы мүмкін. Бұл қоршаған орта үшін қауіпті. Мұндай өртті дер кезінде сөндіру қажет. Ахан Жаппарұлы аудан әкіміне шығындарының орнын 8-10 жыл ішінде толтыратын қоқыс өңдейтін жылжымалы шағын зауытты қолдануды ұсынды.   

Аудан әкімі А.В. Бабенко өзінің қызметтеріне аудандағы экологиялық жағдайды жақсарту бойынша бірнеше нақты тапсырмалар берді.

Облыстық мәслихаттың хатшысы Б.М. Бексейітова депутаттарға және атқару органдарына:

- ҚТҚ шығару үшін ақы төлем енгізу бойынша жұмысты бастау,бұл мәслихаттың сессиясында тарифтерді қарастыру және бекіту қажет;

- ҚТҚ кәдеге жарату мәселесін бақылауға алу;

- экологиялық проблемаларды шешу бойынша аудандық іс-шаралар жоспарын пысықтау ұсыныстарымен жүгінді.

Сондай-ақ, Бақыт Мақанқызы, 2017 жылы жөнделген автомобиль жолдарының жағдайымен танысты. Сапар барысында «Мичурино - Госплемстанция», «Григорьевка - Луганск» жолдары тексерілді. Қарау нәтижесінде ерекше ескертулер болған жоқ.