Депутаты
Ақсуда «Нұр Отан» партиясының «Фракциясы күні» өтті
25-04-2018 18:13
Ақсуда «Нұр Отан» партиясының «Фракциясы күні» өтті

«Нұр Отан» партиясы Ақсу қалалық филиалында партияның Павлодар облыстық мәслихатындағы «Фракциясы күні» өткізілді. Кең ауқымды іс-шара аясында Ақсу қаласы мен ауылдық жерде «Нұрлы жол» және «Нұрлы жер» мемлекеттік бағдарламалары бойынша жүзеге асырылып жатқан нысандардың партиялық мониторинг пен бақылау, аймақтық партиялық кураторлар өткізген тақырыптық жеке қабылдау мен облмәслихаттағы партия депутаттық фракциясы жиналысының отырысы өткен еді.

Азаматтарды жеке сұрақтары бойынша қабылдаған кезде депутаттарға қарапайым ақсулықтардан түрлі өтініштер келіп түсті. Қалалықтар белсенділік танытып, іс-шараға 27 адам келді. Партия фракциясының мүшелері әрбір мәселені мұқият тыңдап, олардың шешімін табуға тырысты. Мысалы, қала тұрғыны Айсәуле Жақсылық Ақсудағы педиатрлардың тапшылығы туралы мәселені көтерді. Оның сөзіне қарағанда, адамдар педиатрдың қабылдауына кіру үшін кейде 2-3 сағат кезек күтуге мәжбүр.

Анық болғандай, бұл мәселе Қазақстанның барлық аймақтарына тән. Облыстық мәслихаттың депутаты Серім Сыздықовтың айтуынша, аталмыш жағдай Қазақстан медициналық оқу орындарында педиатр даярлайтын факультеттердің жабылуынан кейін туған. Бірақ бұл мамандық бойынша оқыту қайта жандандырылғаннан соң бұл мәселе таяуда шешілмек.

Азаматтарды қабылдап болған соң халық қалаулылары партия Ақсу қалалық филиалының төрағасы, қала әкімі Николай Дычконың қатысуымен фракция жиналысына жайғасты. Депутаттар қарапайым ақсулықтар өтініштерінің шешу жолдарын талқылады. Қала басшылығы бұл мәселелердің барлығы мүмкін болғанша оң шешімін табатынына сендірді. Сонымен қатар, қатысушылар баяндамалары тыңдалды. Мәселен, облмәслихат депутаты – фракция мүшесі Илья Теренченко партиялық жұмыстағы тың жаңалықтар туралы баяндап берді. «Қазіргі кезде шағын және орта кәсіпкерлікті қолдау, «Рухани жаңғыру» бағдарламасын жүзеге асыру мен цифрландыруға бағытталған жаңа 22 партиялық жоба әзірленуде. Жаңа жобалардың тұсаукесері Павлодар облысынан басталғанын білесіздер. Осы бастамалардың барлығы партияның Мемлекет басшысының Қазақстанды цифрландыру бойынша ауқымды бастамасын жүзеге асыруға әзірлігін көрсетеді», - деді ол.

Сонымен бірге, депутаттар мемлекеттік органдар қызметі мен ҚР заңнамасын жетілдіру бойынша ұсыныстар айтты. Осылайша, фракция мүшесі Элина Паули заңға  Қарулы күштерге шақыру алған жаңа туған баласы бар азаматтарға әскери қызмет мерзімін кейінге шегеруге мүмкіндік беретін өзгертулер енгізу қажет деген ұсыныс білдірді.