Депутаты
Ақтоғай ауданындағы ҚТҚ мәселелері
05-05-2018 17:42
Ақтоғай ауданындағы ҚТҚ мәселелері

Облыстық мәслихаттың хатшысы Бақыт Бексейітова және облыстық мәслихаттың депутаты Александр Терентьев Ақтоғай аудандық мәслихатының депутаттарымен бірлесіп облыс әкімі Б.Ж. Бақауовпен жарияланған Экология жылы шеңберінде Ақтоғай ауданының аумағында ҚТҚ-ды кәдеге жарату мәселесі бойынша кеңесу өткізді.

Елбасы жыл сайынғы 2018 жылғы 10 қаңтардағы Қазақстан халқына Жолдауында өңірлер әкімдеріне кіші және орта бизнесті тарта отырып, ҚТҚ-ды заманауи кәдеге жарату және қайта өңдеу бойынша шаралар қабылдауды тапсырды.

Қатты тұрмыстық қалдықтарды орналастыру объектілеріне деген негізгі экологиялық талаптар жайлы және аудандағы ҚТҚ полигонының ағымдағы жағдайы туралы облыс бойынша экология департаментінің басшысы Д.Б. Әлиев, жер қойнауын пайдалану, қоршаған орта және су ресурстары басқармасының басшысы Қ.Қ. Сәтиев және аудан әкімінің орынбасары Е.К. Машриков хабардар етті.

Ақтоғай ауданының әкімі А.Қ. Амирин, аудан әкімінің орынбасарлары, ауылдық округтердің әкімдері, ауданның мемлекеттік мекемелерінің және кәсіпорындардың басшылары кеңесу барысында мүдделі, жұмыс бабымен әңгімелесіп, өзара пікір алмасты.

Кеңесу қорытындылары бойынша депутаттармен аудан аумағындағы ҚТҚ кәдеге жарату бойынша жұмысты ұйымдастыруды жақсарту жөнінде бірқатар ұсыныстар берілді. Экологиялық кодекске 2019 жылдың қаңтарынан өзгерістер енгізілуімен алдын ала сараптаусыз және қайта өңдеусіз ҚТҚ полигондарына көму үшін қағаз, шыны, пластик, құрылыс материалдары мен тамақ қалдықтарын қабылдауға тыйым салуына ерекше көңіл бөлінді.

Алға қойылған тапсырмаларды іске асыру бойынша ауқымды жұмыс күтіледі.