Депутаты
«Нитраттарсыз денсаулық үшін» акциясы
16-05-2018 17:20
«Нитраттарсыз денсаулық үшін» акциясы

Жаз маусымының келуімен біз ас үлесімізге ерте піскен көкөністер мен жеміс-жидектерді енгізуге асығамыз, олар тек қана пайдалы қасиеттерге ие болмай, қауіп-қатерге әкеліп соқтыруы мүмкін.

Жиі, осы ерте піскен жеміс-жидектердің құрамында адам денсаулығына қауіпті, нитраттар сияқты көптеген заттар болатыны анық. Нитраттардың адам ағзасына жүйелі түрде түсуі денсаулыққа жағымсыз әсерін тигізеді. Нитраттармен уланудың өсуі көбінесе мамыр-маусым кезеңінде байқалады, бұл ерте піскен, шеттен әкелінетін көкөніс өнімдерін пайдаланумен байланысты. 

Облыстық мәслихаттың хатшысы Бақыт  Бексейітова, экология және қоршаған ортаны қорғау мәселелері жөніндегі тұрақты комиссияның төрағасы Нұрлан Қасымов, облыс бойынша қоғамдық денсаулық сақтау департаментімен бірлесіп ағымдағы жылдың 16 мамыр күні «Рахмет» базарының аумағында өткізілген «Нитраттарсыз денсаулық үшін» акциясына қатысты. Ұйымдастырушылар тұтынушылармен санитариялық-түсіндіру жұмыстарын, жеміс-көкөніс өнімдерінің құрамындағы қалдық нитраттардың бар болуына жедел-зерттеу,  қауіпсіз тамақтану мәселелері жөнінде 47 адаммен сауалнама жүргізді.   

Жүргізілген 14 жедел-зерттеулерден 2 сынаманың (ерте піскен пияз) құрамында нитраттардың айтарлықтай асып түсуі анықталды. Нитраттармен уланудың алдын алу шаралары бойынша кең аудитория үшін қолжетімді түрде ұсыныстар берілген 75 жадынамалар әзірленіп, таратылды.

«Рахмет» базарының басшылығына да нитраттармен уланудың алдын алу бойынша іс-шаралары ұсынылды.