Депутаты
Қ.И.Сәтбаевтың елінде VIІІ Халықаралық жасөспірімдер олимпиадасы өткізілді
31-05-2018 19:37
Қ.И.Сәтбаевтың елінде VIІІ Халықаралық жасөспірімдер олимпиадасы өткізілді

    Облыстық мәслихаттың хатшысы Бақыт Бексейітова Павлодар облысында өткен VIІІ Халықаралық жасөспірімдер олимпиадасының салтанатты жабылу рәсіміне қатысты.

     2018 жылғы 27-30 мамыр аралығында жас зияткерлер химия, биология, физика, математика және информатика пәндері бойыншасегізінші рет көрнекті ғалым және ғылым ұйымдастырушы, ғылым Академиясының тұңғыш Президенті - академик Қаныш Имантайұлы Сәтбаевтың  құрметіне арналған сайысқа түсті.   

      Іс-шараға барлығы 39 команда құрамында Астана және Алматы қалаларынан, республикалық білім беру ұйымдарынан, Назарбаев Зияткерлік мектептерінен және Ресей Федерациясының Саха (Якутия) Республикасы мен Новосібір қаласынан 244 оқушы қатысты. Биылғы жылы алғашқы рет олимпиада қатысушыларының қатарында Петропавл, Атырау, Ақтөбе қалаларының командалары болды. 

    Олимпиада қорытындылары бойынша облыстық мәслихаттың хатшысы Бақыт Мақанқызы балаларға дипломдарды тарту етті.

        І орынды – 11, ІІ – 21, ІІІ – 36 оқушы иеленді.

        Павлодарлық оқушылар 25 орын алды, оның І – 5, ІІ – 8, ІІІ – 12.

      Математикалық бағытта І дәрежелі дипломмен дарынды балаларға арналған №8 лицей-мектебінің 7,8 сынып оқушылары Драганчук Антон, ІІІ дәрежелі дипломмен Горбатюк Святогор, Лим Владимир және Рахымжанов Дінмұхамед марапатталды. «Бағдарламалау» бағытында ІІІ дәрежелі дипломға дарынды балаларға арналған №8 лицей-мектебінің 7 сынып оқушысы Гончаров Матвей және дарынды балаларға арналған «БІЛІМ-ИННОВАЦИЯ» лицейінің 8 сынып оқұшылары Хасанов Рүстем, Абихас Алихан ие болды. Жаратылыстану-ғылыми бағытта ІІІ дәрежелі диплмға Павлодар қ. №39 ЖОББМ-нің 8 сынып оқушысы Ишимцева Екатерина ие болды. Математика мен физика пәндерінен жеңімпаз аталғандар: дарынды балаларға арналған №8 лицей-мектебінің 8 сынып оқушылары Уколов Иван және Драганчук Антон;  ІІ  дәрежелі дипломға дарынды балаларға арналған №8 лицей-мектебінің 7 сынып оқушылары Лим Владимир, Рахымжанов Дінмұхамед, Үкібаев Ануар ие болды. Химия пәнінен ІІ және ІІІ дәрежелі дипломды дарынды балаларға арналған №8 лицей-мектебінің 8 сынып оқушылары Шерстобитова Ольга мен Колдашев Эмиль және дарынды балаларға арналған «БІЛІМ-ИННОВАЦИЯ» лицейінің 8 сынып оқұшысы Мадиев Мади иеленді. Биология пәнінен жеңімпаз Ы.Алтынсарин атындағы дарынды балаларға арналған облыстық қазақ гимназия-интернатының 8 сынып оқушысы Қуантқан Нұрсерік атанды, ІІ және ІІІ дәрежелі дипломды облыстық көп салалы дарынды балаларға арналған лицей-интернатының 8 сынып оқушысы Нұрмағанбетов Бақытжан және дарынды балаларға арналған №3 гимназиясының 8 сынып оқушысы Әубәкіров Руслан иеленді. География пәнінен жңімпаз болып – «Жас дарын» мамандандырылған мектебінің 8 сынып оқушысы Сапарғали Әлиасқар атанды, ІІ дәрежелі дипломмен – Екібастұз қ. «Зерде» мамандандырылған мектебінің 8 сынып оқушысы Кингирова Айым, «Жас дарын» мамандандырылған мектебінің 8 сынып оқушысы Серікбаева Диляра марапатталды. «Ақпараттық технологиялар» пәнінен ІІ дәрежелі дипломды Екібастұз қ. №10 ЖОББМ-нің 8 сынып оқушысы Шафоростов Кирилл, ІІІ дәрежелі дипломды  дарынды балаларға арналған №8 лицей-мектебінің 8 сынып оқушысы Гончаров Матвей және «БІЛІМ-ИННОВАЦИЯ» лицейінің 8 сынып оқұшысы Хасанов Рүстем иеленді.

       Командалық біріншілікте жеңімпазКубогын дарынды балаларға арналған №8 лицей-мектебінің 8 сынып оқушылары Драганчук Антон, Уколов Иван және Шерстобитова Ольга, Ы. Алтынсарин атындағы дарынды балаларға арналған облыстық қазақ гимназиясының 8 сынып оқушысы Қуантқан Нұрсерік, «БІЛІМ-ИННОВАЦИЯ» лицейінің 8 сынып оқұшысы Хасанов Рүстем, «Жас дарын» мамандандырылған мектебінің 8 сынып оқушысы Сапарғали Әлиасқар құрамындағы Павлодар облысының командасы жеңді. ІІ және ІІІ орынды Саха (Якутия) Республикасы Кіші ғылым Академиясының және Атырау қ. «БІЛІМ-ИННОВАЦИЯ» лицейінің оқушылар командалары өзара бөліп алды.

        Сонымен қатар, жеңімпаздар мен жүлдегерлерге бағалы сыйлықтар табысталды.